Kommunit nalunaarsuiffiannit tigusat

Meeqqanut tapiissutinut nalunaarsuutinik immikkut ittumik KIMIK-IT meeqqanut paasissutissanik aallertarpoq, taamaattumik kisitsisit maanna saqqummersinneqartut siusinnerusukkut saqqummersinneqarsimasunit allaanerulaartarsinnaapput.

 

Uuttuutit tigussaasut

Nalunaarsuiffimmi uuttuutit pingaarnerit:

 

·           Tapiissutinik pisartagallip inuttut-normua

·           Meeqqap inuttut-normua

·           Isertitat

·           Ulloq tapiissuteqarfik (ulloq, qaammat aamma ukioq)

·           Tapiissutigineqartut annertussusaat (aningaasat koruuninngorlugit)

 

Kisitsisitigut paasissutissat aaqqissuunneri

Nalunaarsuutit tunngaviusut allaffissorluni nalunaarsuiffinninngaanneerput, kisitsisitigullu paasissutissiinermut atortussiatut ineriartortitaanatik, taamaattumillu nalunaarsuutit tunngaviusut suliareqqillugit misissorlugillu suliaapput.

 

Nalunaarsuutinik misissuineq

Meeqqanut tapiiffigineqartartut nalunaarsorsimasut tapiiffigitereernerup aammalu tapiissutinik utertitsereernerup kingorna, aaqqiisoqareerneraniluunniit tapiissutaasimasut amerlassusaat 0-lumiippata naatsorsuutini ilaatinneqanngillat. Kommunit naatsorsuutaannit aammalu kommunini tapiissutigineqarsimasunut naatsorsuutaannit uani saqqummersitami annikitsumik allaanerussuteqartoqarnera nalunaarsuutinik atorneqartunik misissuinerup takutippaa.

 

Kommunit naatsorsuutaanni kisitsisitigullu paasissutissami matumani saqqummiunneqartuni qaammatini siuliini tapiissuteqarnerit, assersuutigalugu kingusinaartumik meeqqanut tapiissutinik tunniussinerit ilaasinnaapput.